Xabar berganimizdek, kecha poytaxtimizdagi “Anhor-Lokomotiv” parkining markaziy hududida “Asal bayrami”ga start berildi.
Bayramning ochilish marosimida Veterinariya va chorvachilikni rivojlantirish qo‘mitasi raisi Bahrom Norqobilov so‘zga chiqib, asalarichilik sohasining yangi rivojlanish bosqichlarini o‘tab kelayotgani, hozirgi kunda bevosita qishloq xo‘jaligi ekinlarini changlatib, hosildorligini oshishiga hamda oziq-ovqat xavfsizligi ta’minlashda katta muhim ahamiyat kasb etishini ta’kidlab o‘tdi.
Shuningdek, bu kabi tadbirlarni tashkil etilishidan maqsad asalarichilik sohasida erishilgan yutuqlar va sohaga yangi texnologiyalarni joriy etishda xorijiy tajribalarni o‘rganish, albatta, sohani rivojlanishiga hassa qo‘shishini alohida ta'kidladi.
Bundan tashqari ochilish marosimida O‘zbekiston Asalarichilar uyushmasi raisi Sharofiddin Bahridinov va Qozog'iston asalarichilar uyushmasi raisi Valeriy Kasimbayevlar so'zga chiqib asal ishlab chiqarish borasida amalga oshirilayotgan ishlar yuzasidan ma'lumotlar berdi hamda bayram bilan barchani tabrikladi.