ЮРТИМИЗДА ЧОРВАЧИЛИК БИЛАН ШУҒУЛЛАНУВЧИ ТАДБИРКОРЛАР СОНИ ОРТИБ БОРМОҚДА

Ҳозирда мамлакатимизда чорвачилик тармоқларини ривожлантириш бўйича қатор лойиҳалар амалга оширилмоқда. 

Шу билан бирга чорвачиликда оилавий тадбиркорлик билан шуғулланиб, гўшт ва сут маҳсулотлари ишлаб чиқаришни йўлга қўйяётган ҳамюртларимиз талайгина.

Ўзбекистон Республикаси Президентининг 2019 йил 28 мартдаги “Ўзбекистон Республикаси Ветеринария ва чорвачиликни ривожлантириш давлат қўмитаси фаолиятини ташкил этиш чора-тадбирлари тўғрисида”ги ПҚ-4254-сон Қарори бу борада муҳим дастуриламал бўлиб хизмат қилмоқда.

Жумладан, яқинда Самарқанд вилоятининг Пайариқ тумани “Ўқлан” қишлоғида истиқомат қилувчи Дилмурод Тўраев Австриядан 30 бош симментал зотли қорамол олиб келиб, парвариш қилмоқда.

Бу эса аҳоли хонадонларида наслли қорамоллар бош сонини кўпайтириш, чорвачиликда маҳсулдорликни ошириш ҳамда сифатли сут ва гўшт маҳсулотларини ишлаб чиқаришда муҳим аҳамият касб этмоқда.