САМАРҚАНДДА ВИТЕБСК ДАВЛАТ ВЕТЕРИНАРИЯ МЕДИЦИНАСИ АКАДЕМИЯСИ РЕКТОРИ БИЛАН УЧРАШУВ БЎЛИБ ЎТДИ

Қўмитанинг Самарқанд ветеринария медицинаси институтида Витебск давлат ветеринария медицинаси академияси ректори, доцент Николай Гавриченко билан учрашув ташкил этилди.
Учрашув давомида Самарқанд ветеринария медицинаси институти ҳамда Витебск Давлат ветеринария медицинаси академияси ҳамкорлигида ташкил этилган қўшма факультет фаолиятини янада ривожлантириш, факультет негизида янги, замон талаблари асосидаги қўшимча йўналишлар ташкил этиш, ҳамкорликда янги ўқув-қўлланмалар чоп этиш юзасидан музокаралар олиб борилди.
Маълумки, мазкур таълим даргоҳи институтнинг энг яқин ҳамкорларидан бири ҳисобланади. Ўтган йилнинг август ойида академия ва Самарқанд ветеринария медицинаси институти ўртасида қўшма факультет ташкил этилган эди. Ҳозирда қўшма факультетда 30 нафар талаба икки йўналиш – ветеринария медицинаси ва ветеринария фармацевтикаси йўналишлари бўйича таҳсил олишмоқда. Келишувга биноан талабалар икки йил Самарқанд ветеринария медицинаси институтида, икки йил Витебск академиясида таҳсил олишади. Жорий йилнинг март ойида эса яна 15 нафар талаба Витебск академиясига ўқиш учун юборилиши режалаштирлган.